ဒီကားလေးကို ပြီးခဲ့တဲ့အပတ် စနေက Jurong Point GV မှာ သူငယ်ချင်း ပြလို့ သွားကြည့်ဖြစ်ပါတယ်။ ရုံတင်တာ 29th Feb ကဆိုတော့ ကြည့်မဲ့လူလဲ မရှိတော့ပဲ ရုံထဲမှာ လူ ၈ယောက်ပဲ ရှိပြီး အေးအေးဆေးဆေး ကြည့်ရတယ်။ The Leap Years က ရှားရှားပါးပါး Singapore local MediaCorp က ကားပါ။ ဒီက ရိုက်တဲ့ ရုပ်ရှင်တွေ သိပ်မကြည့်ဖူးဘူး။ ထွက်လဲ သိပ်မထွက်ပါဘူး။ တစ်နှစ်ကို မြန်မာပြည်လောက်တောင် မထွက်ဘူးထင်တယ်။ ဒီကားလေးကိုတော့ Trailer ကြည့်ရကတည်းက စိတ်ဝင်စားနေမိတယ်။ ထုံးစံအတိုင်း အင်တာနက်ပေါ်မှာ ဒေါင်းလုပ်လိုက်ရှာသေးတယ်။ မတွေ့တော့ သူငယ်ချင်းကလည်း အရမ်းကြည့်ချင်တယ်ဆိုတာနဲ့ ရုံမှာ သွားကြည့်ဖြစ်ကြတယ်။
ဇာတ်လမ်းကတော့ အချစ်ဇာတ်လမ်းလေးတစ်ပုဒ်ပါပဲ။ မှတ်မိသလောက် နည်းနည်းပြောကြည့်ဦးမယ်။ မင်းသမီး Li-Ann က သူ့ရဲ့ ၂၄နှစ်ပြည့်မွေးနေ့ Feb 29th မှာ ကော်ဖီဆိုင်လေး တစ်ဆိုင်မှာ ထိုင်နေတဲ့ မင်းသား Jeremy ကို အမှတ်မထင် တွေ့ပြီး အရင်ကတည်းက သူ့စိတ်ကူးနဲ့ ပန်းချီရေးထားတဲ့ လူနဲ့ တူနေတာမို့ စိတ်ဝင်စားသွားပါတယ်။ ဒါနဲ့ Irish တွေရဲ့ Feb 29 custom ကို အသုံးချပြီး date လိုက်တော့ မင်းသားက ပြန်လက်ခံပြီး ညကျတော့ တူတူလျှောက်သွားပြီး ခင်သွားကြပါတယ်။ (Irish တွေရဲ့ ထုံးစံက Feb 29th မှာ မိန်းကလေးတစ်ယောက်က date လုပ်လာရင် ယောကျာ်းလေးက မငြင်းပဲ လက်ခံပေးရတယ်တဲ့။) အဲဒီညမှာပဲ သူတို့နှစ်ယောက် နောက်ထပ် Leap Year ကိုရောက်ရင် ဒီအချိန် ဒီနေရာမှာပဲ ပြန်တွေ့မယ်လို့ ကတိပေးခဲ့ကြပါတယ်။ ဒီလိုနဲ့ နောက်ဒုတိယ Leap Year မှာ Jeremy ဆီက သူ့မှာ သမီးလေး တစ်ယောက် ရှိတယ်ဆိုတဲ့ စကားကို ကြားလိုက်ရတော့ Li-Ann က ချစ်ပေမဲ့ နောက်ထပ်မတွေ့ဖို့ ဆုံးဖြတ်ခဲ့တယ်။ ဒါပေမဲ့ တတိယ Leap Year မှာ Li-Ann က မျှော်လင့်ချက် မကုန်သေးပဲ အဲဒီ ကော်ဖီဆိုင်လေးနားကို ညတော်တော်နက်မှ ကားနဲ့ဖြတ်ရင်း ကြည့်လိုက်တော့ Jeremy ထိုင်စောင့်နေတာ တွေ့တော့ မုန့်ဝယ်သလိုနဲ့ ဆုံအောင် ဖန်တီးပြီး သူ အိမ်ထောင်ကျနေပြီ၊ ကလေးတစ်ယောက်လဲ ရနေပြီလို့ ညာပြောလိုက်ပါတယ်။ ဒီလိုနောက် နောက်ထပ် Leap Year မှာတော့ Li-Ann က တခြားတစ်ယောက်နဲ့ မင်္ဂလာဆောင်တော့မယ် လုပ်ပြီးမှ သူ့သူငယ်ချင်း KS ကြောင့် Jeremy ရှင်းပြထားတဲ့စာကို မင်္ဂလာခန်းမထဲ အချိန်မီ ဖတ်လိုက်ရပြီး မင်္ဂလာပွဲ ဖျက်ပြီး Jeremy နဲ့ ပြန်ပေါင်းထုတ်ကြတဲ့ အကြောင်းပါ။ ဒီဇာတ်လမ်းကို အသက် ၄၈ နှစ်အရွယ်ရောက်နေတဲ့ Li-Ann ၊ ဆေးရုံပေါ်မှာ coma နဲ့ မျောနေတဲ့ Jeremy ၊ နားလည်မှုလွဲနေတဲ့ Jeremy ရဲ့ ပထမအိမ်ထောင်နဲ့ရတဲ့ သမီးတို့ကို စပြပြီး ၄နှစ်စာဆီ တစ်ခါ နောက်ကြောင်းပြန်ပြန်ပြီး ရိုက်ပြသွားပါတယ်။ နောက်ဆုံးကျတော့ Feb 29th မှာ ဆေးရုံပေါ်မှာ မြောနေတဲ့ Jeremy လဲသတိပြန်လည်လာပြီး သူ့သမီးနဲ့ Li-Ann လဲ အဆင်ပြေပြီး Happy Ending နဲ့ အဆုံးသတ်ထားပါတယ်။
ဇာတ်လမ်းအကျဉ်းချုပ်ရေးလိုက်တာ တော်တော်ရှည်သွားတယ် ထင်တယ်။ ငယ်ငယ်ကတည်းက မြန်မာစာဖြစ်ဖြစ်၊ အင်္ဂလိပ်စာဖြစ်ဖြစ် summary ရေးခိုင်းရင် ဘယ်တော့မှ အမှတ်မကောင်းဘူး။ အခုလဲ ရေးသားရေးလိုက်တာ ဇာတ်လမ်းကို ခြုံမိမယ်မထင်ဘူး။ ဒီထက်အတိုချုပ်ရရင် မင်းသားနဲ့ မင်းသမီး Feb 29 မှာတွေ့ပြီး နောက် ၁၂ကြာတော့ ညားလေသတည်း လို့ပြောရမယ် ထင်တယ်။
ဇာတ်လမ်းကတော့ သိပ်မဆန်းပါဘူး။ ရိုက်ထားတာလေးတော့ မဆိုးပါဘူး။ Local ကားပေမဲ့ ဒီကားက တခြားကားတွေထက် နည်းနည်းအဆင့်ပိုမြင့်လာသလိုပဲ။ ကားထဲမှာ အင်္ဂလိပ်စကားပြောကြတာလဲ ကောင်းပါတယ်။ ရိုက်ချက်တွေလဲ ပုံမှန်မြင်နေကြ ရှုခင်းမျိုးတွေ၊ ရိုက်ကွက်တွေ မဟုတ်ပဲ နည်းနည်းဆန်းနေတယ်။ Singapore ရဲ့ HDB စာကလေးသိုက်လေးတွေ မမြင်လိုက်ရဘူး။ ဒါပေမဲ့ မပါမဖြစ် Esplanade နဲ့ Riverside ကတော့ ပါလိုက်ပါတယ်။ ရိုက်ထားတာလေး ကောင်းတယ်ဆိုပြီး ကြည့်လိုက်တော့ Director of Photography က ဟောင်ကောင်က ဖြစ်နေပါတယ်။ ခြုံပြောရရင် international ကားတွေနဲ့ မယှဉ်ပဲ local movie အနေနဲ့ ကြည့်ရင် တော်တော်ကောင်းတဲ့ အချစ်ကားလေးပါ။ မင်းသားကလည်း Shutter ကားထဲက ထိုင်းမင်းသား၊ ဒီကားထဲမှာ ဆံပင်အရှည်နဲ့ ချည်ထည်အကျီလေးတွေ ဝတ်ပြီး အတော်ကြည့်ကောင်းပါတယ် (ဒါကြောင့် အဲဒီကားကို မိန်းကလေးတွေ ကြည့်ကြတာ)၊ မကြိုက်တာက မင်းသားအသက်ကြီးတဲ့အခန်းမှာ တခြားလူပြောင်းသွားတော့ နည်းနည်းမှ ရုပ်မဆင်တဲ့ တရုပ်ကြီးလား ဘာလားမသိဘူး ဖြစ်သွားတယ်။ ငယ်ငယ်တုန်းက နှာခေါင်းချွန်ရာကနေပြီး လူကြီးဖြစ်သွားတော့ နှာခေါင်းပွပွနဲ့ ရုပ်ကဆိုးသွားတယ် (ကိုယ်က မင်းသားကို သေချာကြည့်နေတော့ သိနေတယ)။ မင်းသမီးကတော့ ငယ်ဘဝမှာ တစ်ယောက်၊ ကြီးဘဝမှာ တစ်ယောက်ပေမဲ့ ရုပ်ဆင်ပါတယ် (တရုတ်မခြင်း တူလို့ ထင်တယ်) Li-Ann အသက်ကြီးတဲ့ အခန်းမှာ သရုပ်ဆောင်တဲ့ မင်းသမီးကြီးက သရုပ်ဆောင် တော်တော်ကောင်းပါတယ်။ Hollywood က တရုတ်မင်းသမီးလို့ ရေးထားတယ်။
အဲဒီကားထဲမှာ တရုတ်ပြက္ခဒိန် စာမျက်နှာလေးတွေ လှန်လိုက်တိုင်း English quotes လေးတွေ တစ်ခု တစ်ခု ပြတာလေးကို သဘောကျတယ်။ ဒီ quotes တွေထဲမှာမှ နောက်ဆုံးခန်းက တစ်ခုကို သဘောကျလို့ ကောင်းကောင်းမှတ်မိလိုက်တယ်။
If you are not too long, I will wait for you all my life. (Oscar Wilde)
နောက်တစ်ခုက မင်းသမီးက မင်းသားကို တွေ့တွေ့ချင်းအခန်းမှာ ရေးပေးတဲ့ စာလေးကို သဘောကျတယ်။
A Saint once decreed
that a man must agree
to a woman’s proposal today
Give me a sign
whether to meet me at Eight
at the same place you sit
and fulfill the tradition of February 29
ဒီကားထဲမှာ သီချင်းအများစုကို Singapore မှာမွေး US မှာ ကြီးတဲ့ အဆိုတော်မ Corrinne May ရဲ့ သီချင်းတွေကို သုံးထားပါတယ်။ တချို့သီချင်းလေးတွေ နားထောင်ကြည့်လို့ရအောင် share ပေးလိုက်ပါတယ်။ ဒီကားထဲက သီချင်းလေးတွေကို ကြိုက်လို့ ရုပ်ရှင်ကြည့်အပြီးမှာ လိုက်ရှာနားထောင် ရင်း Corrinne May ရဲ့ Album တွေ ပြန်နားထောင် ဖြစ်လိုက်သေးတယ်။
The Birthday Song - Corrinne May
Scars (Stronger For Life) - Corrinne May
Little Superhero Girl - Corrinne May
Baby Girl - Innervoice
Merry Christmas Mr. Lawrence- Ryuichi Sakamoto (ကြော်ငြာနောက်ခံတီးလုံး)
Blog of Corrinne May: Corrinne’s Musings - A singer-Songwriter’s Life
တိုက်တိုက်ဆိုင်ဆိုင် ဆိုရမလား …. ကျွန်မရဲ့ ဒီ LanOLay ပေါ်က Emotional Corner Blog ကို စတင်တဲ့နေ့ကလဲ 29th Feb 2008 ဖြစ်လို့နေတယ်။
Author: မေ
) ။ Toa Payoh, Eunos ဘုန်းကြီးကျောင်းတွေလို လူသိပ်မများပဲ စတုဒီသာ အလှူရှင်တွေလည်း များတော့ အရမ်းတိုးကြိတ်စရာမလိုပဲ စားချင်တဲ့ မုန့်တွေ အေးအေးဆေးဆေးနဲ့ အဝစားရလို့ ဒီသင်္ကြန်မှာ ဘဝနဲ့ ဆန္ဒ တစ်ထပ်တည်း ကျသွားပြီ။ ကင်မရာ မယူသွားလို့ ဓာတ်ပုံတော့ မရိုက်ခဲ့ရဘူး။ ယူသွားလဲ ကိုယ်တစ်ယောက်တည်း မုန့်ပန်းကန်တွေကို ဓာတ်ပုံရိုက်နေရင် အူကြောင်ကြောင် ဖြစ်နေမှာ အသေအချာပဲ။ လက်လှမ်းမှီသလောက် စားခဲ့တာတွေက ကြာဇံချက်၊ ဒန်ပေါက်၊ နန်းကြီးသုတ်၊ မုန့်လုံးရေပေါ်၊ ကောက်ညှင်းပေါင်း၊ ငှက်ပျောပေါင်း၊ ရွှေရင်အေး၊ ဆေးကုလားမနဲ့ ကျောက်ကျောရည်။ သိပ်တော့ မများလှပါဘူးနော်။ ဒီလို စုံစုံစားနိုင်အောင် ပွဲတိုင်းကို တစ်ပွဲပဲ ယူပြီး သူငယ်ချင်းနဲ့ နှစ်ယောက်စားပါတယ်။ ဒါတောင် ရွှေခြည်ဆနွင်းမကင်း၊ မုန့်ဖက်ထုပ်၊ လက်ဖက်ရည်၊ ခေါက်ဆွဲသုတ်၊ သာကူနဲ့ တခြား မစားနိုင်တော့တာတွေလဲ အများကြီး။ ပြန်တော့ ဗိုက်တော်တော်လေးပြီး မနည်းထပြန်ရပါတယ်။ စားထားသောက်ထားတာလဲ နည်းမှမနည်းတာကို။ ကိုယ့်ကိုယ်ကိုတောင် အံ့သြမိတယ်။
